نور سلطان(انٹرنیشنل ڈیسک) قزاقستان میں پیٹرول کی قیمتوں میں اضافے پر کئی شہروں میں ہزاروں افراد سڑکوں پر نکل آئے اور حکومتی اقدام کے خلاف شدید احتجاج کیا۔ خبر رساں اداروں کے مطابق قزاقستان میں ہزاروں افراد نے حکومت کی جانب سے مظاہروں پر پابندی کو خاطر میں نہ لاتے ہوئے پیٹرول مصنوعات کی قیمتوں میں اضافے پر مظاہرے کیے۔ ملکی قانون کے مطابق عوامی احتجاج کے لیے منتظمین کو حکومت سے پیشگی اجازت لینی ہوتی ہے،تاہم مظاہرین اسے خاطر میں نہیں لائے۔