لاہور: پاکستان ریلویز کی نجکاری اور ملازمین کی ملازمتوں سے چھانٹیوں کے خلاف ریلوے کے محنت کش سراپا احتجاج بن گئے اور گزشتہ روز سینکڑوں ریلوے ملازمین نے ریلوے ورکشاپ انجن شیڈل میں احتجاج کرتے ہوئے وفاقی وزیر ریلوے اعظم سواتی کے خلاف شدید نعرے بازی کی۔ احتجاجی ملازمین کا مطالبہ تھا کہ وفاقی حکومت ریلوے کی نجکاری کا فیصلہ واپس لے اور نجکاری کے نام پر کی جانے والی ملازمین کی چھانٹیاں بند کریں۔ مظاہرین نے وزیرریلوے کو دھمکی دی کہ اگر انہوں نے ریلوے ملازمین کا مطالبہ تسلیم نہ کیا تو احتجاج کا دائرہ ملک بھر میں پھیلا دیا جائے گا۔ جس میں ریل کا پہیہ جام کئے جانے کی دھمکی بھی شامل ہیں۔