حیدر آباد(جسارت نیوز) آل پاکستان شوٹنگ بال ٹورنامنٹ سنسنی خیز مقابلے اور رنگا رنگ آتش بازی کے ساتھ اختتام ہوگیا۔ العثمان کلب لاہور چیمپن بن گیا۔ مشیر کھیل سندھ ارباب لطف اللہ نے انعامات تقسیم کیے، تفصیلات کے مطابق حیدر آباد کے حسین آباد پٹھان گوٹھ میں 3 روزہ آل پاکستان ڈاکٹر ابراہیم پٹھان ،اللہ وسایو بھٹی اور جاوید اقبال جونیجو شوٹنگ بال ٹورنامنٹ شاندار مقابلوں کے ساتھ اختتام ہوگیا۔ ٹورنامنٹ میں ملک بھر سے 70 سے زائد ٹیموں نے حصہ لیا۔ فائنل میں العثمان کلب لاہور نے 0-2 کے زبردست مقابلے سے تھیبا کلب ٹنڈوالہیار کو شکست دے دی۔ ایم کے دل کلب بدین نے تیسری پوزیشن حاصل کی۔ لاہور کے مٹھور اور خالد نے بہترین کھیل پیش کر کے ٹیم کی فتح میں اہم کردار ادا کیا۔