مقبوضہ بیت المقدس (انٹرنیشنل ڈیسک) اسرائیلی فوج کے ہاتھوں معمر فلسطینی کی شہادت کے کیس میں 3اہل کاروں کے خلاف کارروائی شرو ع ہوگئی۔ خبر رساں اداروں کے مطابق 78سالہ فلسطین نژاد امریکی شہری عمر اسد کو مبینہ طور پر اسرائیلی فوجیوں نے کار سے زبردستی نکال کر آں پر پٹی باندھی اور گھسیٹتے ہوئے نامعلوم مقام تک لے گئے تھے۔فوجیوں نے بعد عمر اسد کو ایک ویران عمارت میں اوندھے منہ چھوڑ دیا اور وہ اسی حالت میں انتقال کرگئے۔