سری نگر (اے پی پی) غیر قانونی طور پر بھارت کے زیر تسلط جموں و کشمیر میں بھارتی فوج نے اپنی ریاستی دہشت گردی کی تازہ کارروائی میں بدھ کو ضلع شوپیاں میں ایک کشمیری نوجوان کو شہید کردیا۔ کشمیر میڈیا سروس کے مطابق فوج نے نوجوان کو ضلع کے علاقے نادی گام میں محاصرے اور تلاشی کی ایک کارروائی کے دوران شہید کیا۔ علاوہ ازیں کل جماعتی حریت کانفرنس کے نظربند چیئرمین مسرت عالم بٹ نے قابض بھارتی فورسز کی طرف سے مقبوضہ وادی میں جاری قتل وغارت اور انسانی حقوق کی سنگین خلاف ورزیوں پر گہری تشویش کا اظہارکیا ہے۔
The post بھارتی فوج کی ریاستی دہشت گردی ‘ ایک اور کشمیری شہید appeared first on Daily Jasarat News.
