بھارت کی ریاست اترپردیش میں اسمبلی کے لیے الیکشن کے پہلے مرحلے کا آغاز ہوچکا ہے۔
بھارتی میڈیا کے مطابق اترپردیش میں حکمران جماعت بھارتیہ جنتا پارٹی اور سماج وادی پارٹی مدمقابل ہیں۔ پہلے مرحلے میں 403 حلقوں کے لیے الیکشن ہو رہے ہیں۔
ریاست میں انتخابات 7 مارچ تک 7 مراحل میں ہوں گے۔ اترپردیش اسمبلی کے ووٹوں کی گنتی 10 مارچ کو ہوگی۔
الیکشن میں 15 کروڑ شہری اپنا حق رائے دہی استعمال کریں گے۔ پہلے مرحلے میں 58 سیٹوں کے لیے ووٹ ڈالے جا رہے ہیں۔
اترپردیش بھارت کی سب سے زیادہ 24 کروڑ آبادی والی ریاست ہے۔ اترپردیش سے 80 ارکان پارلیمان کا انتخاب ہوتا ہے۔