مقبوضہ بیت المقدس (انٹرنیشنل ڈیسک) مقبوضہ بیت المقدس کے علاقے ام الفہم کے نوجوانوں نے متروک مسجد کو آباد کردیا۔ فلسطینی ذرائع ابلاغ کے مطابق مقامی سوشل میڈیا پر اس مسجد میں شرپسند یہود کی جانب سے پارٹی منعقد کرنے کی وڈیو وائرل ہوئی تھی،جس کے بعد فلسطینیوں نے اس متروکہ مسجد کو آباد کرنے کا فیصلہ کیا۔ مسجد کی صفائی کرکے اسے نمازیوں کے لیے تیار کیاگیا،جس کے بعد وہاں جمعہ کی نماز ادا کی گئی۔ اس دوران نوجوانوں نے نمازیوں کی آمدورفت کے لیے اپنی گاڑیاں بھی وقف کردیں۔