کراچی(اسٹاف رپورٹر)پاکستان نے جنوبی افریقا کے خلاف پہلا ون ڈے بلائنڈ انٹرنیشنل کرکٹ میچ 249 رنز سے جیت لیا، میزبان ٹیم نے مہمان ٹیم کے خلاف بآسانی کامیابی پاکر 3 میچز کی سیریز میں 0-1 کی سبقت حاصل کرلی جنوبی افریقا نے ٹاس جیت کر پہلے فیلڈنگ کرنے کا فیصلہ کیا ۔میچ میں پاکستان کی جانب سے 5 اور سائوتھ افریقا کے 3 کھلاڑیوں کا ون ڈے انٹرنیشنل ڈیبیو ہوا ساوتھ اینڈ کلب کرکٹ اسٹیڈیم پر کھیلے جانے والے میچ میں پاکستان نے پہلے بیٹنگ کرتے ہوئے مقررہ 40 اوورز میں 4 وکٹوں کے نقصان پر 473 رنزبنائے، 3بیٹرز نے سنچریز اسکور کیں، مین آف دی میچ محمد سلمان نے 132رنز بنائے،جواب میں جنوبی افریقا ہدف کے تعاقب میں 38.4 اوورز میں 224 رنزبنا کر پویلین لوٹ گئی،لوانڈے بڈلہ 44 ، بھولی بڈلہ 40 رنز جوڑ کر نمایاں رہے، محمد شاہ زیب نے 3 کھلاڑیوں کو آوٹ کیا،تقریب تقسیم انعامات میں سندھ کے سیکریٹری اسپورٹس اختر عنایت بھرگری مہمان خصوصی تھے جنہوں نے کھلاڑیوں میں انعامات تقسیم کیے۔