میڈرڈ (انٹرنیشنل ڈیسک) سیکڑوں مہاجرین ہسپانوی علاقے میلیلا میں داخل ہونے میں کامیاب ہوگئے۔ خبررساں اداروں کے مطابق مقامی حکام نے بتایا کہ تقریبا 2500مہاجرین باڑ پھلا نگ کر اسپین میں داخل ہو گئے ہیں۔ یہ ہسپانوی علاقہ مراکش کے انتہائی قریب ہے۔ مقامی حکام کے مطابق ہر چیز انتہائی تیزی سے ہوئی کہ انہیں ردعمل کا موقع تک نہیں ملا۔ میلیلا کے مقامی مہاجر سینٹر میں 480مہاجرین کی گنجایش ہے۔ یہ ایک ہی دن میں اسپین داخل ہونے والے مہاجرین کی سب سے بڑی تعداد ہے۔