کیشیناؤ (انٹرنیشنل ڈیسک) یورپی ملک مالدووا نے بھی یوکرائن میں روسی جارحیت کے تناظر میں یورپی یونین میں شمولیت کی درخواست دے دی۔ مالدوواکی صدر مایا ساندو نے یورپی یونین میں شمولیت کے لیے ایک باضابطہ درخواست پر دستخط کردیے ہیں۔ واضح رہے کہ 1991 ء میں مالدووا کی سوویت یونین سے آزادی کے بعد روس اور یورپی یونین کے حامیوں میں کنٹرول حاصل کرنے کے لیے لڑائی ہوچکی ہے۔ صدر مایا ساندو کہا کہنا تھا کہ مالدوواکو مستحکم ہونے میں 30 سال لگے ، لیکن مستقبل کی ذمے داری خود لینے کا وقت ہے۔