کراچی(اسٹاف رپورٹر) پاکستان اور آسٹریلیا کے درمیان شروع ہونے والے دوسرے ٹیسٹ میچ کو نتیجہ خیز بنانے کے لیے سپورٹنگ وکٹ تیار کرلی گئی۔ راولپنڈی میں سیریز کا پہلا ٹیسٹ میچ ڈرا ہونے کے بعد دونوں ٹیمیں بدھ کو چارٹرڈ فلائٹ کے زریعے کراچی پہنچ گئیں، دونوں ٹیموں کی نیشنل اسٹیڈیم آمد سے قبل دوسرے ٹیسٹ میچ کو نتیجہ خیز بنانے کے لیے سپورٹنگ وکٹ تیار کرلی گئی ہے جو بیٹرز کے لیے سازگار ہونے کے ساتھ اسپنرز کے لیے بھی معاون و مددگار ہوگی۔واضح رہے کہ پنڈی ٹیسٹ میچز میں پچ کا معیار ناقص بتایا گیا ہے۔