اسلام آباد(آن لائن)متحدہ اپوزیشن نے صدر مملکت ڈاکٹر عارف علوی کے خلاف مواخذے کی تحریک لانے کا فیصلہ کرلیا ہے ۔میڈیا رپورٹ کے مطابق متحدہ اپوزیشن نے فیصلہ کیا ہے کہ وزیر اعظم کے خلاف تحریک عدم اعتماد کی کامیابی کے فوری بعدصدر مملکت ڈاکٹر عارف علوی کے خلاف مواخذے کی تحریک لائی جائے گی ،نئے صدر مملکت کے امیدوار کے لیے آصف زرداری اور مولانا فضل الرحمن پر مشتمل 2 رکنی کمیٹی قائم کردی گئی ہے۔ رپورٹ کے مطابق اپوزیشن جماعتوں میں یہ طے ہوگیا ہے کہ صدر پیپلزپارٹی یا جے یو آئی (ف) سے ہوگا۔