کراچی (اسٹاف رپورٹر)وزیر اعلی سندھ سید مراد علی شاہ خصوصی افراد کے کاموں میں ذاتی طور پر دلچسپی لیتے ہیں اور سندھ کا محکمہ کھیل ونوجوانان امور ہر طرح سے اسپیشل افراد کے کاموں میں پروفیسر اقبال میموریل ویلفئر ٹرسٹ کے ساتھ تعاون کرتا رہے گا۔ ان خیالات کا اظہار سیکرٹری اسپورٹس اینڈ یوتھ آفیئرز اختر عنایت بھرگری نے تقریب تقسیم انعامات کے موقع پر کیا۔ مہمان خصوصی برگیڈئیر محمد شبیر خان کا کہنا تھا کہ خصوصی افراد کو معاشرے میں اہم مقام دلوانے کے لیے ہم سب کو اپنا مثبت کردار ادا کرنا ہوگا۔خصوصی افراد میں صلاحیتو ں کی کمی نہیں ہوتی۔ضرورت اس بات کی ہے کہ ہم ان سے کسطرح کام لیتے ہیں۔ اولمپئن سمیع اللہ خان اس سلسلے میں لائیو اسپورٹس اور پروفیسر اقبال میموریل ٹرسٹ۔حکومت سندھ کا محکمہ کھیل ونواجونان امور اور پاکستان رینجرز کا کردار بہت اہم ہے۔