نئی دہلی(انٹرنیشنل ڈیسک) بھارت میں ہونے والے حالیہ ریاستی انتخابات میں بھی مودی کی جماعت بی جے پی کی کامیابی کے پس پردہ فیس بک کے کردار کا انکشاف ہوا ہے۔ ذرائع ابلاغ کے مطابق الیکشن میں فیس بک نے تمام جماعتوں کی نسبت بی جے پی کو سب سے سستے اشتہارات دیے۔ دی رپورٹر کلیکٹو اور ایڈ واچ کی رپورٹ کے مطابق 22 ماہ کے دوران بھارت میں ہونے والے 10 انتخابات کے دوران دیگر جماعتوں سے کئی گنا زیادہ قیمت وصول کی گئی۔ اس سے معلوم ہوتا ہے کہ فیس بک کا کردار کس قدر جانب دارنہ ہے۔