لاہور: مسلم لیگ (ن) کے صدرشہبازشریف کا کہنا ہے ایک دھیلے کی کرپشن کا نہ ہونا ہماری ایمان داری کا ثبوت ہے،کاوے موسوی کا بیان دراصل نیب نیازی گٹھ جوڑ پر فرد جرم ہے۔
قائد حزب اختلاف کا کہنا تھا کہ براڈشیٹ کے سی ای اوکے انکشافات نے نوازشریف اوران کے خاندان کے خلاف مہم کوبے نقاب کردیا،کاوے موسوی نے تسلیم کیا کہ ناجائز دولت کا ثبوت نہیں ملا ،22سال چھان بین کرنے والے نے اعتراف کیا کہ نوازشریف اور ان کا خاندان بے قصور ہے۔
ٹوئٹرپربیان میں (ن) لیگ کے صدرشہبازشریف نے کہا کہ نوازشریف اوران کے خاندان کے خلاف مہم کوبراڈ شیٹ کے سی ای او کے بیان نے بے نقاب کردیا۔
براڈ شیٹ کے سی ای او کے انکشافات نام نہاد احتساب کے نام پر نواز شریف اور خاندان کے سیاسی طور پر متاثرہ جادوگر کو بے نقاب کرتے ہیں
نواز شریف کو عوامی زندگی سے دور رکھنے کے لیے کرپشن کے الزامات لگائے گئے
اب جھوٹ، فریب اور کردار کشی کی ساری عمارت منہدم ہو چکی ہے https://t.co/Cu1EcAXwyo— President PMLN (@president_pmln) March 22, 2022
شہبازشریف کاکہنا تھا کہ نام نہاد احتساب کی آڑ میں نوازشریف اوران کے خاندان کوسیاسی مقاصد کے لئے نشانہ بنایا گیا،یہ ہماری ملک اور عوام کی خدمت کا اعتراف ہے جو اللہ نے تفتیش کرنے والوں سے ہی کرایا ۔
انہوں نے کہا کہ نوازشریف پرکرپشن کے الزامات انہیں عوامی زندگی سے دوررکھنے کے لئے لگائے گئے تھے۔اب جھوٹ ،فریب اورکردارکشی کی عمارت منہدم ہوگئی ہے۔