میلبورن(جسارت نیوز)پاکستان کے خلاف مختصر فارمیٹ کی سیریز کے لیے آسٹریلوی ٹیم کے کھلاڑی کل پاکستان روانہ ہوں گے۔آسٹریلو ی ون ڈے اور ٹی ٹوئنٹی ٹیم کے کپتان ایرون فنچ نے سماجی رابطے کی ویب سائٹ ٹوئیٹر پر پریکٹس سیشن کی تصاویر شیئر کیں۔تصاویر کے کیپشن میں انہوں نے لکھا کہ پاکستان روانگی سے پہلے میلبرن میں چند دن زبردست ٹریننگ کی۔انہوں نے لکھا کہ وہاں پہنچ کر سیریز کھیلنے کے لیے اب مزید انتظار نہیں ہورہا۔واضح رہے کہ ٹیسٹ سیریز کے بعد دونوں ٹیموں کے درمیان 29مارچ سے 2اپریل تک 3 ون ڈے میچز کی سیریز کھیلی جانی ہے جس کے بعد واحد ٹی ٹوئنٹی میچ 5اپریل کو کھیلا جائے گا۔