کولمبو (انٹرنیشنل ڈیسک) سری لنکا کے صدر گوٹابایا راجا پاکسے نے بدترین معاشی بحران اور پرتشدد مظاہروں کے بعد رات گئے ملک بھر میں ایمرجنسی کا اعلان کردیا۔ حکومت کی جانب سے جاری بیان میں کہا گیا کہ عوامی سلامتی، امن عامہ کے تحفظ اور ضروری خدمات کی بحالی کے لیے فیصلہ کیاگیا ہے۔اس سے قبل دارالحکومت کولمبو کے نواحی علاقے میں راجا پاکسے کی رہائش گاہ کے باہر جمعرات کے روز سیکڑوں مظاہرین کی پولیس اور فوج کے ساتھ جھڑپیں ہوئیں،جس کے بعد کولمبو میں کرفیو نافذ کردیا گیا تھا۔
