اسلام آباد (آن لائن )پیپلز پارٹی کی رہنما شیری رحمٰن نے کہا ہے کہ آج کے تمام اقدامات غیر آئینی، غیر قانونی ہیں اور ملک کو ایک خطرناک آئینی بحران کی جانب لے جائیں گے۔ان خیالات کا اظہار انہوں نے ایک ٹوئٹ پر کیا۔ شیری رحمن کا کہنا تھا کہ اکثریت کھونے والا وزیراعظم اسمبلی تحلیل نہیں کر سکتا، ہم اقلیتی وزیر اعظم کے فیصلے کو قبول نہیں کرتے اور نہ ہی کسی اسپیکر کے فیصلے کو جو تحریک عدم اعتماد کا سامنا کررہا ہو۔