اسلام آباد( نمائندہ جسارت) الیکشن کمیشن نے تحریک انصاف غیرملکی فنڈنگ کیس کی سماعت روزانہ کی بنیاد پر کرنے کافیصلہ کیا ہے۔الیکشن کمیشن کا کہنا ہے کہ روزانہ سماعت کا مقصد اسلام آباد ہائی کورٹ کی ہدایت کے مطابق 30 دن میں کیس کا فیصلہ کرنا ہے۔اس حوالے سے پی ٹی آئی رہنما فرخ حبیب کا کہنا ہے کہ پی ٹی آئی کیسز پر ہر طرح کا تعاون کرتی ہے، ن لیگ اور پیپلزپارٹی کے فنڈنگ کیس کی سماعت بھی روزانہ کی جائے۔انہوںنے کہا کہ ہم نے تمام ریکارڈ الیکشن کمیشن کو فراہم کردیا ہے، عوام دیکھ رہے ہیں کہ ادارے آئین و قانون کے تحت کام کریں، تحریک انصاف کی لیگل ٹیم فارن فنڈنگ کیس میں بھرپور شرکت کرے گی۔