اسلام آباد:پاکستان مسلم لیگ ن کی ترجمان مریم اورنگزیب نے کہا ہے کہ پی ٹی آئی کے بہت سے ارکان کہہ چکے کہ انہوں نے استعفی نہیں دیا جلد ان کی فہرست سامنے آ جائے گی۔
اسلام آباد میں میڈیا سے گفتگو کرتے ہوئے انہوں نے کہا کہ پی ٹی آئی اراکین کے یہ استعفے سپریم کورٹ کا فیصلہ آنے کے ساتھ ہی آنے چاہیے تھے ، ڈپٹی اسپیکر قاسم سوری کیخلاف تحریک عدم اعتماد آ چکی تھی ، ان کے پاس کوئی اختیار نہیں تھا کہ استعفی منظور کرتے۔
مریم اونگزیب نے کہا کہ انہوں نے آئین شکنی کی ہے، ابھی بھی الیکشن کمیشن نوٹس لے یہ استعفے جعلی ہیں، استعفی کا فارمیٹ ایک ہی ہے ، یہ سب استعفے دیکر آئین شکنی کر رہے ہیں، صدر کا استعفی بھی آنا چاہیے، جو استعفے ہوئے وہ زبردستی دلوائے گئے، ڈپٹی اسپیکر کے پاس رولنگ کا اختیار نہیں تھا، قاسم سوری کو اسی دن استعفی دینا چاہیے تھا جب رولنگ آئی۔
مریم اورنگزیب کا کہنا تھا کہ ہم اوورسیز کو پارلیمنٹ میں نمائندگی دینے کی بات کر رہے ہیں۔
