پشاور (صباح نیوز) اینٹی نارکوٹکس فورس نے پشاور کے باچا خان انٹرنیشنل ائرپورٹ پر کارروائی کرتے ہوئے بحرین جانے والے مسافر کے پیٹ سے ہیروین سے بھرے 78 کیپسول برآمد کر لیے۔ جن میں مجموعی طور پر 616 گرام ہیروئن چھپائی گئی تھی۔ ملزم نجی ائرلائن کی پرواز سے بحرین جارہا تھا۔ اینٹی نارکوٹکس فورس نے ملزم کو گرفتار کر کے مقدمہ درج کر لیا اور مزید تفتیش جاری ہے۔ گرفتار ملزم کا تعلق خیبر پختونخوا کے ضلع خیبر سے ہے۔
