کراچی (اسٹاف رپورٹر) آرمی نے برما آفریدی کو دلچسپ مقابلے کے بعد ایک گول سے ہراکردوسرے نیاناظم آباد رمضان کپ فلڈ لائیٹس فٹ بال ٹورنامنٹ کے فائنل کے لیے کوالیفائی کرلیا۔ نیا ناظم آباد فٹ بال گرائونڈ پر کھیلے جانے والے دوسرے سیمی فائنل میں پاکستان پریمیئر لیگ کی صف اول کی ٹیم آرمی اور کورنگی کی برما آفریدی کے درمیان مقابلہ ہوا۔ کھیل کا آغاز تیزی سے ہوا۔ دونوں ٹیموں کے کھلاڑیوں نے شاندار کھیل پیش کیا لیکن پہلے ہاف میں کوئی ٹیم گول نہ کرسکی ۔ میچ کا واحد گول 51 ویں منٹ میں آرمی کے علی رضا نے اسکور کرکے اپنی ٹیم کو برتری دلائی ۔