سکھر (نمائندہ جسارت) امیر جماعت اسلامی ضلع سکھر ایڈووکیٹ سلطان احمدلاشاری کی زیر صدارت امرائے مقامات کا ایک اہم اجلاس ہوا۔ اجلاس میں امیرسکھر زبیر حفیظ شیخ، قیم ضلع عبدالحلیم تنیو، رضا محمد تنیو، سمیت دیگر نے شرکت کی۔ اجلاس میں بلدیاتی الیکشن کی تیاری کا جائزہ لیا گیا۔ اس موقع پر فیصلہ کیا گیا کہ ان شاء اللہ ضلع بھر میں جماعت اسلامی کی جانب سے بلدیاتی انتخابات میں بھرپور طور پر حصہ لیا جائے گا۔