لاہور: پنجاب فوڈ اتھارٹی نے ٹولنٹن مارکیٹ میں کارروائی کرتے ہوئے بڑی تعداد میں بیمار مرغیاں قبضے میں لے کر دو سپلائرز کو گرفتار کرلیا ہے۔
بتایا گیا ہے کہ گرفتار کئے گئے نذیر پولٹری اور شکیل پولٹری کے سپلائیر 2200 بیمار مرغیاں فروخت کرنے کیلئے ٹولنٹن مارکیٹ میں لے کر آئے تھے۔ جہاں سے ان مرغیوں کو شہر کے بڑے بڑے ہوٹلوں اور ریسٹورنٹس میں سپلائی کیا جانا تھا ۔ فوڈ اتھارٹی نے گرفتار سپلائرز کے خلاف باقاعدہ مقدمہ درج کرلیا ہے۔