واشنگٹن (انٹرنیشنل ڈیسک) امریکی عدالت نے صدر بائیڈن کے سرحدی منصوبے کو روک دیا،جس کے باعث ان کی انتظامیہ میکسیکو سے منسلک امریکی سرحد پر امیگریشن کے ضوابط کو منسوخ نہیں کرسکتی ۔ یہ فیصلہ امریکی ریاست لوزیانا کے ایک جج نے سنایا ہے۔ سابق صدر ڈونلڈ ٹرمپ کی جانب سے عائد کردہ احکامات کے تحت امریکی حکام میکسیکو سے آنے والے زیادہ تر غیر قانونی مہاجرین کو کورونا وائرس کے پھیلاؤ کے خدشے کی بنیاد پر سرحد سے ہی ملک بدر کر سکتے ہیں۔
