اسکردو: نامور کوہ پیما علی رضا سدپارہ کو اولڈ ینگ قبرستان میں سپرد خاک کر دیا گیا ۔تفصیلات کے مطابق علی رضا سد پارہ کی نماز جنازہ اولڈ ینگ گراﺅنڈ میں ادا کی گئی ،خاندانی ذرائع کے مطابق علی رضا سدپارہ کی تدفین اولڈ ینگ قبرستان میں کی گئی۔
واضح رہے کہ اسکردو میں پہاڑ سے گر کر زخمی ہونے والے نامور کوہ پیما علی رضا سدپارہ انتقال کر گئے تھے۔ رپورٹس کے مطابق 66 سالہ کوہ پیما علی رضا گزشتہ کچھ دنوں سے ریجنل اسپتال میں زیر علاج تھے۔ وہ 1986سے کوہ پیمائی کے شعبے سے وابستہ رہے اور انہیں رواں سال کے ٹو کی مہم جوئی پر جانا تھا۔ علی رضا سدپارہ نے 8 ہزار میٹر سے بلند چار چوٹیوں کو 16 بار سر کیا تھا۔
