کراچی: سندھ ٹیکسٹ بک بورڈ میں درسی کتب کی چھپائی کا عمل شروع نہیں ہوسکا۔ اگست سے شروع ہونے والے تعلیمی سیشن کے دوران بازار میں درسی کتابیں ہی نہیں ہوں گی۔
ٹیکسٹ بک بورڈ کی غفلت و لاپرواہی کی وجہ سے فراہم کی جانے والی درسی کتب کی چھپائی شروع نہیں ہوسکی۔ ڈیڑھ ماہ بعد شروع ہونے والے نئے تعلیمی سیشن کے لیے بازار میں درسی کتابیں موجود نہیں ہوں گی۔
سندھ کے پہلی سے بارہویں جماعت کے لاکھوں طلبہ نئے تعلیمی سال کا آغاز درسی کتابیں کے بغیر اپنے تدریس کا آغاز کریں گے۔ محکمہ اسکول ایجوکیشن سندھ تاحال سندھ ٹیکسٹ بک بورڈ میں پرائسنگ فارمولا ہی طے نہیں کرسکا ہے۔
