وزیر خزانہ مفتاح اسماعیل نے کہا ہے کہ درآمدات اور کرنٹ اکاؤنٹ خسارے کو قابو میں رکھنے کی کوشش کر رہے ہیں درآمدات اور کرنٹ اکاؤنٹ خسارے کو قابو میں رکھنے کیلئےاسٹیٹ بینک کےاقدامات جاری رہیں گے۔
وفاقی وزیر خزانہ مفتاح اسماعیل نے ٹویٹ کرتےہوئے بتایا کہ 18 جولائی 2022 تک ملکی درآمدات کا حجم 2.6 ارب ڈالر رہا۔
مفتاح اسماعیل نےبتایا کہ درآمدات گزشتہ سال کے مقابلے میں 20 فیصد کم ہیں تاہم اس ماہ کے آخر تک درآمدات 5.5 ارب ڈالر رہیں گی۔
سوشل میڈیا پر جاری بیان میں وزیر خزانہ مفتاح اسماعیل کا کہنا تھا کہ رواں ماہ درآمدات پانچ اعشاریہ پانچ ارب ڈالر تک پہنچ سکتی ہیں۔ کرنٹ اکاونٹ خسارہ کم کرنے کی کوشش کر رہے ہیں، گذشتہ برس حد سے باہر درآمدات اب کنٹرول میں آ چکی ہیں۔ کوشش کریں گے درآمدات موجودہ سطح پر برقرار رہیں۔
Imports to July 18 have been $2.6b, 20% below last year. We will end the month at $5.5b. The runaway imports from last year have come under control this month thanks to SBP measures. Will continue with these measures in the near term to ensure imports CAD remain under control.
— Miftah Ismail (@MiftahIsmail) July 20, 2022
وزیرخزانہ نے یہ بھی کہا کہ اسٹیٹ بینک کے اقدامات کی وجہ سے رواں ماہ درآمدات قابو میں ہیں اور درآمدات اور کرنٹ اکاؤنٹ خسارے کو قابو میں رکھنے کیلئے اقدامات جاری رہیں گے۔
واضح رہے کہ فچ کی رپورٹ میں پاکستان کی آؤٹ لک مستحکم سے منفی قرار دے دی گئی ہے۔
18 جولائی کو فچ کی جاری ہونے والی رپورٹ میں پاکستان کی طویل المدتی ریٹنگ بھی منفی برقرار رکھی گئی ہے جس کی وجہ پاکستان کی بیرونی مالی پوزیشن کی خرابی بتائی گئی ہے۔
