اسلام آباد: تحریک انصاف کے چیئرمین عمران خان نے الیکشن کمیشن کی جانب سے پی ٹی آئی کے خلاف ممنوعہ فنڈنگ کیس کا فیصلہ سنائے جانے کے بعد قانونی ٹیم کو طلب کرلیا ہے۔
ذرائع کے مطابق عمران خان قانونی ٹیم سے حالیہ فیصلے سے متعلق مشاورت کریں گے۔ اس موقع پر قانونی ٹیم عمران خان اور تحریک انصاف کے دیگر رہنماؤں کو الیکشن کمیشن کے فیصلے سےمتعلق بریفنگ دے گی۔
نجی ٹی وی کے مطابق عمران خان لیگل ٹیم کو آئندہ کی حکمت عملی کے بارے میں آگاہ کریں گے جب کہ لیگل ٹیم سے مشاورت کے بعد پی ٹی آئی سیاسی حکمت عملی کا بھی جائزہ لے گی۔
