پاکستان کرکٹ بورڈ نے قومی ٹی 20ٹورنامنٹ کی تاریخوں سے ٹکرا کی وجہ سے 2 نوجوان پلیئرز اعظم خان اور قاسم اکرم کو کیریبئن پریمیئر لیگ میں شرکت کا این او سی دینے سے انکار کردیا۔
یکم ستمبر سے شروع ہونے والی سی پی ایل میں اعظم خان کو بارباڈوس رائلز اور قاسم اکرم کو سینٹ کِٹس کی نمائندگی کرنا تھی تاہم اب دونوں کھلاڑیوں کو 30اگست سے شروع ہونے والے قومی ٹی ٹوئنٹی ٹورنامنٹ میں شرکت کا کہہ دیا گیا ہے۔
فاسٹ بولر محمد عامر اور آل رائونڈر عماد وسیم کو کیریبئن پریمیئر لیگ میں شرکت کے لیے این او سی جاری کر دیا گیا ہے۔
پاکستان کرکٹ بورڈ (پی سی بی)کے مطابق نوجوان پلیئرز اعظم خان اور قاسم اکرم مستقبل کے پلانز کا حصہ ہیں لہذا وہ ڈومیسٹک ٹورنامنٹس کو ترجیح دیں۔