کابل:افغانستان کے دارالحکومت کابل میں ایک خود کش حملے میں 2روسی سفارتکاروں سمیت 20افراد ہلاک ہوگئے۔
روسی میڈیا نے مقامی میڈیا کے حوالے سے بتایا کہ کابل میں دھماکے سے 2روسی سفارتکاروں سمیت 20افراد کی ہلاکت کی تصدیق کرتے ہوئے کہا دھماکا روسی سفارت خانے کے قریب ہوا ہے۔
میڈیا رپورٹس کے مطابق خود کش بمبار نے روسی سفارت خانے کے گیٹ پر خود کو دھماکے سے اڑا لیا، دھماکے کے وقت سفارت خانے میں ویزے کے حصول کے لئے لوگوں کی بڑی تعداد موجود تھی، سیکورٹی فورسز نے علاقے کو گھیرے میں لے کر تحقیقات شروع کردیں۔
