لندن: پاکستان مسلم لیگ(ن) کے قائد و سابق وزیر اعظم میاں محمدنوازشریف کی زیر صدارت پیر کو اہم اجلاس لندن میں ہو گا۔
ذرائع کے مطابق مسلم لیگ ن کے بڑوں کی لندن میں بیٹھک کی تیاریاں شروع ہوگئی ہیں، اور وزیراعظم شہبازشریف بھی اہم اجلاس میں شرکت کے لئے برطانیہ روانہ ہوگئے ہیں۔
رپورٹس کے مطابق بڑے فیصلوں کیلئے لندن میں لیگی قیادت کا اجلاس پیرکو ہوگا، اور اس کی صدارت سابق وزیراعظم اور ن لیگ کے قائد نوازشریف کریں گے۔نوازشریف کی زیر صدارت اجلاس میں وزیراعظم شہبازشریف بھی شریک ہوں گے۔