اسلام آباد: وزیراعظم شہباز شریف نے کہا ہے کہ عمران خان کی نئی آڈیو لیک نے ان کی منافقت کو بے نقاب کر دیا۔
وزیراعظم نےکہا کہ تحریک انصاف کے چیئر مین اور سابق وزیراعظم عمران خان کی تازہ ترین آڈیو لیک نے ان کی منافقت کو بے نقاب کر دیا جو قوم کو اخلاقیات کا درس دیتے نہیں تھکتا وہ خود بھی کھلم کھلا غیر اخلاقی ہارس ٹریڈنگ میں ملوث ہے۔
انہوں نے مزید لکھا کہ عمران خان کی مکارانہ فطرت آئے روز بے نقاب ہو رہی ہے۔ نیازی کے ریاست مخالف اقدامات اسے اعلی عہدے کے لیے نااہل بنا دیتے ہیں۔