اسلام آباد: پاکستان نے فنانشل ایکشن ٹاسک فورس (ایف اے ٹی ایف) اجلاس کے حوالے سے بھارتی میڈیا کا پروپیگنڈا مسترد کردیا۔
دفتر خارجہ کے ترجمان نے اس حوالے سے کہا ہے کہ فیٹف سے متعلق پاکستان کے خلاف بھارتی میڈیا کی من گھڑت مہم کو مسترد کرتے ہیں۔پاکستان مخالف بھارتی میڈیا کا بے بنیاد اور گمراہ کن پروپیگنڈا نئی بات نہیں ہے۔
ترجمان دفتر خارجہ کے مطابق ایف اے ٹی ایف اور عالمی برادری کی جانب سے پاکستان کی کاوش کو بارہا سراہا گیا ہے۔دفتر خارجہ کے ترجمان نے واضح کیا ہے کہ بے بنیاد بھارتی پروپیگنڈے کے باوجود ایف اے ٹی ایف نے پاکستانی کاوش کا تسلیم کیا ہے۔
