لاہور: وزیر اعلیٰ پنجاب چوہدری پرویز الٰہی نے کہا ہے کہ فیٹف کی گرے لسٹ سے نکلنے کا کریڈٹ آرمی چیف جنرل قمر جاوید باجوہ کو جاتا ہے۔
ان کا کہنا تھا وہ کام کیا جسے قوم کبھی فراموش نہیں کر سکتی۔وزیر اعلی پنجاب نے پاکستان کے فیٹف کی گرے فہرست سے نکلنے پر بیان جاری کیا جس میں انہوں نے کہا کہ آرمی چیف جنرل قمر جاوید باجوہ کی دلچسپی اور تسلسل کے ساتھ کاوشوں سے تمام اہداف مکمل کیے گئے، پاکستان نے بین الاقوامی رسک بیسڈ اسٹرٹیجی کی پاسداری کی روایت برقرار رکھی۔
چوہدری پرویز الہی کا کہنا تھا کہ پاکستان نے تمام نکات پر عمل درآمد کر کے ایک ذمہ دار ریاست کا ثبوت دیا۔ فوج کے سربراہ نے کلیدی کردار ادا کیا۔
