اسلام آباد:وفاقی وزیر موسمیاتی تبدیلی سینیٹرشیری رحمان نے کہا ہے کہ عمران خان رات کے اندھیروں میں اداروں کے سربراہان سے ڈیل کے لئے پیر پکڑ رہے تھے اور دن میں ان کا گریبان،ڈیل نہ ملنے کی صورت میں انہوں نے “شورٹ مارچ” کا اعلان کیا،حقیقی آزادی”کا مقصد ہے مجھ سے ڈیل کرو اور مجھے اقتدار کی کرسی پر بٹھائو۔ ہفتہ کو اپنی ایک بیان میں انھوں نے کہا ہے کہ ملک آزاد اور عوام با شعور ہیں، اس ملک میں اگر کچھ غلام ہے تو وہ عمران خان کی سوچ اور سیاست ہے،پر امن احتجاج سب کا حق ہے لیکن اسلام آباد میں انتشار پھیلانے کی کسی کو اجازت نہیں ہوگی۔
شیری رحمان نے مزید کہا ہے کہ اب جب ملک اپنی درست سمت میں واپس جا رہا ہے،خارجہ تنہائی ختم ہو رہی تو عمران خان انتشار پھیلانے اور اسلام آباد کو یرغمال بنانے کیلئے آ رہے ہیں۔ان ہی کے رہنما نے دعویٰ کیا ہے پی ٹی آئی کے لانگ مارچ میں لاشیں گرے گی، کیا یہ لاشیں گرانے آ رہے ہیں؟ کیا عمران خان یہی چاہتے ہیں؟اگر پی ٹی آئی رہنما کا دعویٰ درست ہوا تو اس کا ذمہ دار کون ہوگا؟۔
وفاقی وزیر نے کہا ہے کہ عمران خان رات کے اندھیروں میں اداروں کے سربراہان سے ڈیل کے لئے پیر پکڑ رہے تھے اور دن میں ان کا گریبان، ڈیل نہ ملنے کی صورت میں انہوں نے “شورٹ مارچ” کا اعلان کیا، حقیقی آزادی کی آڑ میں ذاتی سیاسی جنگ لڑی جا رہی۔