اسلام آباد :پاکستان تحریک انصاف کے رہنما فرخ حبیب نے کہا ہے کہ مارچ کی آہستہ رفتار کی وجہ لوگوں کا ہجوم ہے۔
انہوں نے ٹویٹ میں کہا کہ پاکستان کے دارالحکومت کو امپورٹڈ حکومت نے کنٹینروں کا شہر بنا دیا ہے، امپورٹڈ حکومت کی عوام میں کوئی ساکھ نہیں ہے یہ ہائبرڈ نظام حکومت ملک کا نقصان کررہا ہے۔ عوام کی خواہش کا احترام کرے فوری انتخابات کروائے۔
انہوں نے کہا کہ ہماری تحریک جاری رہے گی اور مطلوبہ نتائج بھی حاصل کریں گے، آہستہ رفتارکامقصد حادثے سے بھی بچنا ہوتا ہے اور جب لوگ ساتھ ساتھ چلتے ہیں تو رفتارآہستہ رکھنی پڑتی ہے ، مارچ کی آہستہ رفتار کی وجہ لوگوں کا ہجوم ہے۔