لاہور: آئی جی پنجاب فیصل شاہکار نے 14 روز کی چھٹی کی درخواست دے دی اور کہا ہے کہ وہ عمرہ کی ادائیگی کے لیے جانا چاہتے ہیں۔
تفصیلات کے مطابق چیف سیکریٹری پنجاب کے بعد آئی جی پنجاب فیصل شاہکار نے 14 روز کے لیے چھٹی کی درخواست دے دی۔ انہوں نے عمرہ کی ادائیگی کے لیے درخواست دی ہے۔
محکمہ سروسز نے آئی جی پنجاب کی چھٹی کی سمری وزیراعلیٰ پنجاب کو بھیج دی ہے۔ قبل ازیں آئی جی پنجاب فیصل شاہکار پنجاب میں کام کرنے سے معذرت کرچکے ہیں اور پنجاب حکومت بھی وفاق کو آئی جی پنجاب کی تبدیلی کے لیے خط لکھ چکی ہے۔
