اسلام آباد: وزیر دفاع خواجہ آصف نے کہا ہے کہ آرمی چیف جنرل قمر جاوید باجوہ کا پیغام نیک شگون ہے جبکہ صدر مملکت کا نئے آرمی چیف کی تعیناتی کی سمری پر دستخط کرنا خوش آئند ہے۔
میڈیا سے گفتگو میں وزیر دفاع خواجہ آصف نے کہا کہ صدر مملکت نے سمری پر دستخط کر دیے ہیں جو خوش آئند اقدام ہے۔
خواجہ آصف کا کہنا تھا کہ جنرل قمر جاوید باجوہ کا پیغام نیک شگون ہے، تمام ادارے آئین اور قانون کے مطابق چلنے چاہئیں۔ ملک میں ہیجانی کیفیت پیدا ہوئی تھی، سیاست دان اپنے طرز عمل کو آئین اور قانون کے مطابق لے آئیں۔
