کراچی امیرجماعت اسلامی سندھ وسابق ایم این اے محمد حسین محنتی نے کہاہے کہ اسٹیئرنگ کمیٹی کے قیام پر خیر مقدم کرتے ہیں، ملک سے سودی نظام کے خاتمے کےلئے عملی اقدامات کئے جائیں۔
محمد حسین محنتی کا کہنا تھا کہ سود کے خاتمے اور اسلامی بنکاری کیلئے وفاقی عدالتی فیصلے پر عملدرآمد کیلئے وزیرخزانہ اسحاق ڈار کی سرپرستی میں اسٹیئرنگ کمیٹی کے قیام کا خیرمقدم کرتے ہوئے زور دیا ہے کہ دیگر پرائیوٹ بنکوں کی اپیلیں واپس کرنے کیلئے بھی حکومت اپنا اثررسوخ بڑھائے اور سود کے خاتمے کے فیصلے کی روشنی میںروڈ میپ تیاراور باقائدہ ایک ڈپٹی سیکریٹری خزانہ کا بھی تقرر کیا جائے جن کا کام صرف اس پر ہوم ورک کرنا ہو۔
ان کا کہنا تھا کہ حکومت محض اعلانات تک محدود نہ رہے بلکہ سودی نظام کے خاتمے کیلئے عملی اقدامات کو یقنی بنایا جائے۔اسلام وکلمہ طیبہ کے نام سے معرض وجود میں آنے والے ملک میں سود کیخلاف دائر درخواست پر 32سال کے بعد فیصلہ بھی قابل تشویش ولمحہ فکریہ ہے، ملک میں اس وقت مہنگائی ،بیروزگاری،بدامنی اور بحرانوں کی بنیادی وجہ سودی نظام اور اللہ کی ناراضگی ہے،سودی نظام معیشت سے نجات میں ہی ملک وقوم کی عافیت ہے۔