لاہور: پاکستان تحریک انصاف کے رہنما فواد چوہدری نے کہا ہے کہ پنجاب اسمبلی سےاعتماد کا ووٹ لینے جارہے ہیں۔پرویز الٰہی کے اعتماد کے ووٹ لینے تیاری کررہے ہیں۔
فواد چوہدری کا کہنا تھا کہ تحریک انصاف کا وفد پرویزالہٰی اورمونس الہٰی سے ملنے جارہا ہے جس میں تاریخ کا تعین کریں گے پنجاب اسمبلی اجلاس کب بلایا، اعتماد کے ووٹ کے بعد وزیراعلیٰ اسمبلی توڑنے کیلئے تیار ہیں۔
ان کا کہنا تھا کہ پی ٹی آئی کے177ارکان پرویزالہٰی کوسپورٹ کررہے ہیں، مسلم لیگ ق کے10ممبران اپنے ہیں، اسپیکر کو ہٹاکرہمارے پاس187ممبران موجود ہیں، یہ تمام لوگ پرویزالہٰی کو اعتماد کا وٹ دیں گے۔ الیکشن کی تاریخ لاہورہائیکورٹ کے فیصلے سے پہلے ہوگی، ہم فوری طور پر اعتماد کے ووٹ کیلئے جانا چاہتے ہیں۔