کراچی: پاکستان اور نیوزی لینڈ کے درمیان ٹیسٹ سیریز کی ٹرافی کی رونمائی اتوار کو ہوگی۔
ذرائع کے مطابق دونوں ٹیموں کے کپتان تقریب رونمائی میں شرکت کریں گے، جس کے بعد وہ الگ الگ میڈیا سے بات چیت کریں گے۔
پاکستان اور نیوزی لینڈ کے درمیان 2 میچز پر مشتمل ٹیسٹ سیریز میں پیر سے شروع ہونے والے میچ کا ٹاس صبح ساڑھے 9 بجے ہوگا جب کہ مقابلے کا آغاز صبح 10 بجے ہوگا۔
قبل ازیں پاکستان اور نیوزی لینڈ کے درمیان ٹیسٹ سیریز کے میچز کے لیے ہفتے کے روز فل ڈریس ریہرسل کا انعقاد ہوا۔
کراچی میں کھیلے جانے والے دونوں میچزکے لیے حفاظتی اقدامات کے تحت سیکورٹی اداروں نے کسی بھی ہنگامی صورتحال سے نمٹنے کی مشقیں کیں۔
