کراچی: امیر جماعت اسلامی کراچی حافظ نعیم الرحمن نے کہا ہے کہ الیکشن کمیشن دھاندلی سے چھینی گئی نشستوں پر بغیر دباؤ کے فیصلہ کرے۔
بلدیاتی انتخابات میں دھاندلی کے ذریعے جماعت اسلامی کی چھینی گئی 9نشستوں کے حوالے سے جمعرات کو الیکشن کمیشن آف پاکستان اسلام آباد میں ہونے والی دوسری سماعت کے حوالے سے اپنے ردِ عمل میں کہا ہے کہ الیکشن کمیشن دباؤ میں آنے کے بجائے جلد فیصلہ کرے۔
انہوں نے کہا کہ تاخیر سے ابہام پیدا ہو رہا ہے۔ اپنے ایک ایک ووٹ کا تحفظ اور کراچی کا مینڈیٹ واپس لیں گے۔ پہلے نتیجہ درست ہو گا اس کے بعد کسی سے کوئی بات ہو گی۔
امیر جماعت اسلامی کراچی نے کہا کہ اپنا آئندہ کا لائحہ عمل جمعہ کو صبح ساڑھے 10 بجے ادارہ نور حق میں پریس کانفرنس میں دیں گے۔
