شیخوپورہ: وفاقی وزیر تعلیم رانا تنویر حسین نے کہا ہے کہ عمران خان آئندہ کی ملکی سیاست کیلیے بھی نااہل ہوجائے گا، عدالت نے الیکشن کمیشن کے فیصلے کے خلاف اپیل میں عمران خان کے جھوٹے پن پر مہر ثبت کر دی ہے۔
وفاقی وزیر تعلیم نے کہا کہ عمران خان نے اپنے دور میں فساد اور خلفشار کے سوا قوم کو کچھ نہیں دیا، وہ آئندہ کی ملکی سیاست کیلیے نااہل ہوجائے گا، عثمان بزدار نے کرپشن کی ابتدا کی، پرویز الہی اینڈ کمپنی نے اسے عروج تک پہنچایا۔
رانا تنویر حسین نے کہا کہ ملک کو عمران خان کی پیدا کردہ مشکلات کا سامنا ہے، جلد پاکستان کو مشکلات سے نکال کر ترقی کی راہ پر گامزن کریں گے۔
