لاہور:پاکستان تحریک انصاف کے سینئر رہنما اور فوکل پرسن جیل بھرو تحریک اعجاز چودھری نے اعلان کیا ہے کہ فیصل آباد میں گرفتاریاں پیش نہیں کی جائیں گی۔
تفصیلات کے مطابق سپریم کورٹ کے فیصلے کے بعد پاکستان تحریک انصاف کی قیادت نے جیل بھرو تحریک کے حوالے سے گرفتاریاں نہ دینے کا اعلان کردیا۔
اللہ کریم کاشُکر ہے کہ پاکستان میں آئین بحال ہے
الیکشن نوے روز میں ہونگے
آج فیصل آباد میں گرفتاریوں کی بجائے اللہ کا شُکر اداکیاجائے گا
بھرپور جلسہ ہوگا مگر گرفتاریاں نہیں دی جائیں گی۔ @PTIofficial @ImranKhanPTI @PTIFaisalabadO1— Senator Ejaz Chaudhary (@EjazChaudhary) March 1, 2023
بدھ کو فوکل پرسن جیل بھرو تحریک اعجاز چودھری نے ٹوئٹر پراپنے پیغام میں فیصلے کی تصدیق کرتے ہوئے کہا کہ سپریم کورٹ نے 90 روز میں دو صوبوں میں انتخابات کروانے کا فیصلہ دے دیا ہے۔
اعجاز چودھری کا کہنا تھا کہ فیصل آباد میں گرفتاریوں کے بجائے اللہ کا شکر ادا کیا جائے گا، بھرپور جلسہ ہوگا مگر گرفتاریاں نہیں دی جائیں گی۔
