کراچی:سندھ حکومت نے میٹرک اور انٹر میڈیٹ امتحانات و نتائج کا کام آٹ سورس کرنے کی منظوری دے دی ہے، سندھ میں میٹرک اور انٹرمیڈیٹ کے امتحانات اور نتائج کا کام پرائیویٹ ادارے کو سونپ دیا گیا، دونوں بورڈز کے امتحانات اور نتائج کا کام بورڈز کی بجائے پرائیوٹ ادارہ کرے گا۔
محکمہ بورڈز اور جامعات کی جانب سے سندھ کے تمام میٹرک اور انٹر بورڈز کو خط ارسال کر دیئے گئے ہیں۔
خط میں کہا گیا ہے کہ اس سسٹم کا مقصد شفافیت اور انصاف ہے اور بدعنوانی کی حوصلہ شکنی کرنا ہے صوبائی وزیر اسماعیل راہو نے بطور کنٹرولنگ اتھارٹی سسٹم کی منظوری دی۔
تمام چیئرمین بورڈز کو امتحانی نظام آٹ سورس کرنے کے لیے اقدامات کی ہدایت کردی گئی ہے۔