اسلام آباد: وفاقی وزیر اطلاعات و نشریات مریم اورنگزیب نے کہا ہے کہ تکبر، ضد، انا، اپنی ذات و مفادات کے بت کا ہاؤس آف کارڈز دھڑام سے زمیں بوس ہو گیا ہے، پی ٹی آئی سے روح نکل گئی۔
سماجی رابطوں کی ویب سائٹ ٹوئٹر پر جاری بیان میں مریم اورنگزیب نے کہا کہ پارٹی بنانے والوں کے چلے جانے سے بس اب بُت ہی باقی رہ گیا ہے۔
وفاقی وزیر اطلاعات نے ایک شعر دل کے پھپھولے جل اٹھے سینے کے داغ سے ۔ اس گھر کو آگ لگ گئی گھر کے چراغ سے کا حوالہ دیا۔ انہوں نے کہا کہ مغرور نے کہا تھا کہ کسی کے آنے اور جانے سے فرق نہیں پڑتا، وہ آج عبرت کی زندہ مثال بن چکا ہے۔
