کراچی:حلقہ خواتین جماعت اسلامی کراچی کی ناظمہ اسما سفیر نے کہا ہے کہ عشرہ ذی الحج اور عید الاضحٰی اللہ کی رضا کیلئے جان و مال کی قربانی کی یاد دلاتا ہے۔
اسما سفیر نے کہاکہ حج کا مبارک سفر اللہ کی راہ میں گھر بار چھوڑنے اور جہاد کی تیاری نام ہے۔مسلمانوں کاعالمگیر اجتماع باطل کو یہ پیغام دیتا ہے کہ مسلمان رنگ و نسل سے بالاتر ایک عظیم وحدت ہیں۔
انہوں نے مزید کہا کہ جانوروں کو قربان کرنا دراصل اس بات کی مشق ہے کہ جب بھی ضرورت پڑی مسلمان اللہ کی خاطر ہر طرح کی قربانی دینے کے لیے تیار ہیں۔اسما سفیر نے کہا کہ روح سے خالی عبادت اللہ تعالیٰ کے ہاں مقبول نہیں ہے۔