کراچی: محرم الحرام میں قیام امن کے لیے محکمہ داخلہ سندھ نے آئی جی پولیس کی سفارش پر کراچی سمیت 11 اضلاع کے 137 علما اور ذاکرین کی تقاریر، بیانات اور سفر پر پابندی لگادی۔
آئی جی پولیس سندھ کی جانب سے خط میں لکھا گیا ہے کہ سندھ بھر کے 11 اضلاع کے 137 علما اشتعال انگیز تقاریر کی وجہ سے امن کے لیے خطرہ ہیں، لہٰذا محرم الحرام کے مہینے میں ان پر پابندی لگائی جائے۔
محکمہ داخلہ سندھ نے آئی جی کی سفارش پر محرم الحرام کے دوران علما کرام پر پابندی کا نوٹی فکیشن جاری کردیا، جس کے مطابق سندھ بھر کے 11 اضلاع کے 137 علما پر سفری پابندی بھی لگائی گئی ہے۔