اسلام آباد: نگران وزیراعظم انوارالحق کاکڑکا کہنا ہے کہ ایرانی پٹرول کی اسمگلنگ کو روکنے کیلئے مؤثراقدامات کیے گئے ہیں، انتخابات کی تاریخ کا اعلان الیکشن کمیشن کرے گا۔
نگراں وزیر اعظم نے کہاکہ حلقہ بندیاں آئینی عمل کا حصہ ہیں، نگران حکومت کا کام انتخابات میں الیکشن کمیشن کی معاونت کرناہے،معاشی اصلاحات وقت کی ضرورت ہے۔
انہوں نے کہاکہ اسمگلنگ کی روک تھام کیلئے احسن انداز سے کام جاری ہے، مارکیٹ میں اشیاء کی قیمتیں بتدریج کم ہو رہی ہیں، سانحہ 9 مئی جیسے واقعات کسی صورت قابل قبول نہیں ۔